Molo, Iloilo City: Madamo nga illegal connections, natukiban sa operasyon sang PECO!

By: Aine Grace Bravo

Tuman ka damo nga illegal connection ang natukiban sang mga taga-Panay Electric Company (PECO) sa ila operasyon sa Zone 3 Calumpang, Molo kaina sang aga.

Gin-isa-isa sang PECO ang illegal connection, ginkuhaan sang litrato bilang ebidensya antes ginpang-utod kag ginpangkuha ang linya. Suno sa taga-PECO nga nagbalibad sa pagpakilala, delikado pa gid bangud nagagamit sang telephone wire ang mga naga-jumper. Ini bangud tunaan ini sang sunog kon mag-overload kag mag-init.

May mga plano man ang PECO agud malikawan ang illegal connection apang kinahanglan ang daku nga pondo.