Pototan: (UPDATE) Municipal government, magahatag sang bulig pinansyal sa mga napilasan kag napatay sa pagpangbuno sa Brgy. Naslo!

By: Jocelyn Gelloagan-Maque

Mahatag sang financial assistance ang Municipal Government sang Pototan sa mga police nga nag-responder sa kinagamu sa Barangay Naslo kaina sang kaagahon.

Suno kay acting Vice Mayor Endo Palu-ay, base sa mandu ni acting Mayor Lito Ilisan, ginhatagan sang P10,000 pesos nga bulig pinansyal si Senior Inspector Ariel Corcino, hepe sang Pototan PNP agud ibakal sang iya mga bulong.

Hatagan man sang bulig pinansyal ang pamilya sang napatay nga si PO1 Dan Carlsberg Bayogos kag sa pamilya sang suspect nga si Arnold Dagohoy.

Nagpasalig man suno kay Palu-ay si Vice Governor Raul Tupas nga mahatag sang bulig pinansyal sa pamilya sang police nga napilasan kag napatay.

Ginpahayag nga agawon kuntani ni Bayogos ang kutsilyo ni Dagohoy apang ini siya ang ginbuno sa tiyan kag dughan.

Nabun-an man sa tiyan kag kamot si Corcino nga nagbulig sa iya tinawo.

Wala nagpamati si Dagohoysang ginsaway rason nga napilitan si Corcino nga tiruhon ini sa likod. Gindala pa sa ospital si Dagohoy apang napatay makaligad ang tatlo ka oras.

Nagapabilin naman nga estable ang kondisyon ni Corcino sa Iloilo Mission Hospital.