Iloilo City: May kaluoy nga pag-implementar sang Joint Administrative Order (JAO) sa syudad, ginpasugtan ni LTO 6 Director Dennis Singson

By: Aine Grace Bravo

Ginpangabay sang city council sa Land Transportation Office nga i-implementar sang may kaluoy ang Joint Administrative Order (JAO) sa mga drivers.

Pahayag ini ni LTO 6 Director Dennis Singson kasunod sang ginpatawag nga sinapol sang konseho kahapon. Nakasugtan suno sa iya nga i-harmonize ang city ordinances kag ang pila ka probisyon sang JAO agud indi mangin mabug-at sa mga motorista. Gintumod ni Singson ang pagpanakop sang mga drivers nga may depektibo nga car accessories.

Wala naman natandog ang probisyon sa JAO may kaangtanan sa mga colorum, out-of-route kag mga unregistered nga mga salakyan. Gin-athag naman ni Singson nga kinahanglan may yara sang memorandum of agreement ang syudad kag sang LTO sa pag-harmonize sang local ordinances kag pila ka probisyon sang JAO.