Iloilo City: Short Circuit, ginatudlo rason sang sunog sa Zone 10 Brgy. Calaparan, Arevalo!

By: Jocelyn Gelloagan-Maque

23 ka balay ang nadalahig sa sunog sa Zone 10, Barangay Calaparan, Arevalo kahapon base sa imbestigasyon sang Bureau of Fire Protection.

Suno kay Senior Fire Officer 1 Erwin Gemotea, 17 ka balay ang naabo gid kag anum ang partially-damaged.

Lakip sa mga totally-burned ang balay nanday Rodolfo Pabulayan; Jenelyn Cagiwa; Maria Elena Bacerra; Roland Jagobilla, Aurelio Pabulayan; Romeo Teologo; Pablito Tenong; Grace Gange; Ernesto Masa, Sr; Aldrin Zulueta; Roger Masa, Jr; Gloria Masa; Jaime Masa; Jerry Sionosa; Rosanie Ginoo; Wilfredo Pueblo kag Wilfredo Gange, Sr.

Partially-damaged naman ang balay nanday Vicente Almoceda; Arturo Tuos; Artemio Prudente; Enrique Casiano; Norlito Estelado kay Aly Tabucay sang Zone 9 Calumpang, Molo.

Nagsugod ang sunog pasado alas 12 kahapon sang udto kag napalong pasado ala 1 sang hapon.

Short circuit ang ginatan-aw nga rason sang sunog. Nagsugod ang kalayo sa ikaduha nga panalgan sang balay balay ni Wilfredo Gange, Sr. matapos nasunog ang saksakan.