Iloilo City: Mga miembro sang MIWD Boarad, ginhangkat ni Gov. Arthur Defensor nga magpangita sang madasig nga solusyon sa problema sa kulang nga water supply

By: Jocelyn Gelloagan-Maque

Ginhangkat ni Governor Arthur Defensor ang mga miembro sang Metro Iloilo Water District (MIWD) Board nga magpangita sang madasig nga solusyon sa problema sang kulang nga supply sang tubig subong.

Ginpabutyag sang gobernador nga dapat mag-untat na sa pagbasulay kon ngaa may problema sa water supply bangud indi lang ini ma-experyensyahan sa Iloilo kundi sa bug-os nga kalibutan.

Mas maayo suno kay Defensor kon nakapaminsar sang paagi sang MIWD Board agud masabat ang problema pareho sang pagpakay-o sang naguba nga mga water tankers agud may gamiton sa water rationing.

Gin-athag ni Defensor nga indi man sala sang bag-o nga MIWD Board ang mga problema subong kundi sala sang daan nga board.

Malawig pa suno sa iya antes maresolbar ang mas madalum nga problema sa water district.