Iloilo City: Kontruksyon sang Ferry terminal, mall kag gasolinahan sa gindonar nga duta sang syudad sa Parola Area, temporaryo nga gin-untat!

By: Jocelyn Gelloagan-Maque

Nag-untat ang pagtrabaho sa Guimaras Iloilo Ferry Terminal (GIFT) lakip na ang city mall kag gasolinahan sa Parola Area, City Proper.

Wala na nag-obra suno kay alyas Jonathan, foreman sang Jaruda Construction, contractor sang proyekto umpisa sang Abril 18 bangud ila ginahulat ang resulta sa pag-estoryahanay nanday Mayor Jed Patrick Mabilog kag developer nga Double Dragon Properties Incorporated.

Kasunod ini sang reklamo ni Kagawad Plaridel Nava nga pagpatindog sang city mall kag gasolinahan nga wala sang locational clearance kag building permit.

Samtang suspendido ang trabaho sa GIFT proejct, city mall kag gasolinahan, magasaylo naman ang mga trabahador sa proyekto sang Jaruda Construction sa Roxas City, Capiz.