Iloilo City: Syudad, may pito na ka administrative districts

By: Aine Grace Bravo

May yara na sang pito ka administrative districts ang syudad nga makabatun sang basic services halin sa city government.

Base ini sa gin-aprubahan nga ordinansa sang City Council kahapon nga nagatukod sang pito distrito sa syudad nga nagasakop sa 180 tanan ka mga barangay. Ang pito ka mga distrito ginalakipan na subong sang Arevalo, Molo, Mandurriao, Jaro, Lapaz kag Lapuz.

Suno kay City Councilor Lyndon Acap, author sang ordinansa, ginpasugtan niya ang hinyo sang mga punong barangay sa Jaro nga indi pagtungaon ang distrito. Ginpahayag sini nga ang territorial jurisdiction sang kada distrito ang magasunod sa mapping survey sang territorial boundaries sang city assessor.