Lambunao: Tatlo ka mga anggulo, ginasunod nga motibo sa pagtiro patay sa Punong Barangay!

By: Jocelyn Gelloagan-Maque

Tatlo ka anggulo ang ginasunod sang Lambunao Police sa pagtiro patay kay Punong Barangay Raul Ganadillo sang Barangay Pandan.

Ginalakipan ini sang politika, kaso batuk sa iya barangay kagawad kag quarry operations sa barangay.

Nagasakay si Ganadillo sa iya owner-type jeep halin sa Poblacion padulong sa Pandan sang gin-ipingan sang riding-in-tandem sa bahin sang Barangay Talanghauan kag gintiro sa wala nga kilid sang lawas.

Ginapatihan sang Lambunao Police nga 12-gauge shotgun ang gingamit sa pagtiro sa biktima.