Iloilo City: Lalaki, ginbuno sang abyan patay!

By: Jocelyn Gelloagan-Maque

Patay ang lalaki nga ginbuno sang iya man lang abyan sa Zone 8 Barangay Calumpang, Molo kagab-i.

Ginkilala ang biktima kay David Fernandez, 47-anyos kag pintor.

Nagsurrender sa Molo police ang abyan ni Fernandez nga si Arvin Muñoz, 32-anyos sang Barangay Esperanza, Janiuay apang temporaryo nga naga-istar sa balay sang biktima.

Ginpahayag nga upod man lang nga naga-inom ang mag-abyan antes nagbaisay tubtob nga natabu ang insidente.