Barotac Nuevo, Iloilo: Maglive-in nga gin-ambush, nakabaton sang pamahug sa kabuhi!

By: Aine Grace Bravo

Nakasugid ang mag-live in partner nga Rex Develos kag Melba Duchilla nga nakabaton sila sang pamahug sa kabuhi kasunod sang pagkapatay sang most wanted persons nga sanday Rolando Magno kag Richard Cobarrubias sang Enero sa Brgy. Acuit, Barotac Nuevo.

Suno kay Punong Barangay Carlito Jimenez, nabatyagan nanday Develos kag Duchilla nga gina-surveillance sila rason nga nagpangayo sang bulig nga bantayan ang ila balay. Ini man ang rason suno sa iya kon ngaa nagdesisyun ang mga ini nga indi na magtulog sa ila balay sa kahadlok nga balikan.

Sanday Develos kag Duchilla ang gintudlo nagsugid sa mga pulis sang ginpanaguan nanday Magno kag Cobarrubias. Ang duha ka wanted persons ang nagtiner sa ginapanag-iyahan nga balay sang maglive in partner antes napatay sang mga otorodad.

Patay sanday sanday Develos kag Duchilla matapos gin-ambush sang mga suspek samtang nagalakat Domingo sang gab-i.