Iloilo City: Zero crime rate, narecord samtang nagatan-aw ang mga Ilonggo sang Mayweather-Pacquiao bout

By: Aine Grace Bravo

Nangin malinong ang bug-os nga syudad sa Floyd Mayweather Jr-Manny Pacquiao megafight sa Las Vegas, Nevada kahapon.

Ginpahayag ni Supt. Gilbert Gorero, spokesman sang Iloilo City Police Office, nga wala sang na-blotter nga mga krimen halin alas-9 sang aga tubtob alas-3 sang hapon. Nagbantay suno kay Gorero ang bug-os nga puwersa sang ICPO base man sa mandu sang mataas nga pamunuan agud masiguro nga malinong kag matawhay ang pagtan-aw sang mga boxing fans sa sambowa.

Samtang ginkadismaya sang mga Ilonggo ang resulta sang away matapos gin-anunsyar nga nagdaug si Mayweather. Para sa mga Ilonggo, si Pacquiao ang matuod nga champion bangud sa iya ginpakita nga pagka-agresibo sa ibabaw sang ring. Sa pihak naman sang kapierdihan, ginpasiguro sang mga boxing fans sa syudad nga suportado nila si Pacquiao.