Guimaras: Technical Working Group nga gintukod sang provincial government, magasapol agud i-plastar ang mga concerns sang mga Guimarasnon sa kontrobersyal nga Guimaras-Iloilo Ferry Terminal

Read Time:48 Second

By: Aine Grace Bravo

Magasapol ang gintukod nga technical working group sang Guimaras provincial government nga magatutok sa kontrobersyal nga Guimaras-Iloilo Ferry Terminal.

Suno kay Guimaras Vice Governor Vicente de Asis, ang technical working group ang mangin counterpart sang Joint Venture Council sang city government kag developer nga Double Dragon Properties Incorporated. Ginpahayag ni de Asis nga kinahanglan makasapol ang grupo agud maplastar nila ang mga concerns sa tion nga magpatawag sang sinapol ang Joint Venture Council.

Iduso nanday de Asis kag Governor Samuel Gumarin sa city government nga librehon sa terminal fee ang mga senior citizens kag estudyante samtang piso ukon duha ka pesos naman ang isukot sa mga regular commuters. Ang technical working group ang pagabug-usan nanday Governor Gumarin, Vice Governor de Asis, Provincial Legal Officer Atty. Jay Cusa, Board Member John Edward Gando, Engr. Evan Arias nga chairman sang Australian Aid Project–Provincial Road Management Facilities sang Guimaras kag mga representante sang Buenavista kag Jordan.