Iloilo City: 50-anyos nga lalaki, nagreklamo nga ginkawatan sang commercial sex worker sa sulod sang lodging house

By: Aine Grace Bravo

Nagreklamo ang 50-anyos nga lalaki nga nadulaan sang kuwarta matapos nagsulod sa lodging house sa Molo kaina sang kaagahon.

Nagsulod sa Sofia Lodging House si alyas Toto sang Miag-ao upod 22-anyos nga commercial sex worker para sa hingalit nga kalipay. Ginpahayag nga natalupangdan ni alyas Toto nga nadula ang iya 740 pesos nga kuwarta sang maguwa na sa lodging house.

Nagapati si Toto nga ginkuha ni alyas Rose ang iya kuwarta apang ginpanghiwala ini sang babaye. Nagpa-blotter na lang ang lalaki sa Molo Police Station.