Iloilo City: Ginaduso nga pag-implementar sang speed limit sa mga salakyan, ginpaboran sang operator sang Light of Glory taxi!

By: Jocelyn Gelloagan-Maque

Pabor si Atty. Joseph Vincent Go, operator sang Light of Glory taxi, sa ginaduso nga mag-implementar sang speed limit sa mga salakyan sa syudad.

Apang mas maayo suno kay Atty. Go nga himuon ini sa pila lang ka mga lugar sa i-designar nga mga oras.

Ginpahayag ni Go nga dapat i-konsiderar sa proposed ordinance sa konseho ang mangin epekto kon may speed limit ang mga salakyan sa syudad.

Nakapasar na sa first reading sa session sang konseho ang proposed ordinance ni Councilor Joshua Alim nga magatalana sang maximum speed sa pila ka dalanon sang salakyan.