Iloilo City: (Update) Ilegal nga druga, ginapatihan rason sa pagpatay sa duha ka preso sa BJMP-Ungka

By: Aine Grace Bravo

Nagapati si Bureau of Jail Management and Penology (BJMP) 6 investigator S/Insp. Jimmy Britanico nga may kahilabtanan sa illegal nga druga ang pagpagpatay sa mga preso nga sanday Kristian Buivan kag Lenin Gerd Salvalosa sa BJMP district jail sa Ungka, Jaro.

Suno kay Britanico, posible nga nagamit sang illegal drugs ang mga preso tubtub nga nagka-utang kag sang ginsukot, wala sang ibayad. Bangud sa pressure suno sa iya nga bayaran ang utang sa illegal drugs, nagaresulta ini sang inaway.

Plano ni Britanico nga dumilian ang mga dalaw sa BJMP district jail sa sulod sang isa ka bulan agud masiguro nga wala sang makasulod nga kontrabando pareho sang illegal nga druga. Kon wala sang mga bisita kag padayon gihapon ang pagdata sang illegal drugs sa presuhan, nagakahulugan ini suno kay Britanico nga may traidor sa sulod sang BJMP district jail.