loilo: Isa sa mga Suspects nga Nag-abduct kag Naghimulos sa 19-anyos nga Babaye sang Mayo 5, Nadakpan na!
By: Nemesio Martirez
Nadakpan ang isa sa mga suspects sa pag abduct kag paghimolos sa 19 anyus nga babaye sang Mayo 5 sang gab-i.Nadakpan suno kay Supt.Ruby Gumban sang Oton PNP si Paul Aaron Campos 21 anyus sang Tisoy Village Barangay 7 Tigbauan. Si Campos ang gintudlo sang biktima nga nag-uyat sang iya kamot samtang ginahimoslan ni Sirius Gim Villareal sa sulod sang salakyan. Natabuan nga ara si Campos sa compound sang gin-arestar sang mga police ang suspect nga si Sirius Gim Villareal. Ginpahayag nga ginpasakay halin sa Diversion ang biktima upod sa iya amiga sa Isuzu Crosswind nga ginamaneho ni Sirius Gim agod magpadulong sa Villa. Ginlibot anay ang mga biktima sa siudad antes nagpadulong sa Villa kag sang nag-abot sa Asilo de Molo, ginbilin ang isa sa ila. Suno biktima gingapos ang iya kamut kag gintabunan ang iya mata, gin-ubahan sang panapton kag ginhimuslan ni Villareal.Mayo 6 na sang kaagahon ginpapana-og ang biktima sa Poblacion South Oton. Magluwas sa 19 anyus nga babaye ginpahayag nga ginhimoslan man sang suspect ang 36 anyus nga ginang sa Tigbauan sang Abril 29.
More Stories
AKSYON BALITA NUMERO UNO SUNDAY EDITION | DECEMBER 3, 2023
https://www.youtube.com/watch?v=PjtsmlLpYpk
“Task Force Puerto” sa Dumangas Port plano buhion
ILOILO — Nagaplano ang Iloilo Provincial Government nga buhion ang Task Force Puerto sa Dumangas. Katuyuan sini nga matapna ang...
Disyembre 4 holiday sa Santa Barbara, Iloilo
ILOILO —Nagpaguwa si Santa Barbara, Iloilo Mayor Dennis Superficial sang Executive Order No. 69 series of 2023 nga nagadeklarar sang...
Bana patay, asawa pilason sa aksidente sa San Miguel, Iloilo
ILOILO —Patay ang bana samtang ginabulong pa ang iya asawa sang nabungguan sang taxi ang ginasakyan nila nga motorsiklo sa...
Average Rating