Jaro, Iloilo City: Lalaki, patay matapos gintiro!

By: Aine Grace Bravo

Patay ang 48-anyos nga lalaki matapos gintiro sa Brgy. Sambag, Jaro kagab-i.

Ginkilala ang biktima kay Roberto Padios sang amo man nga lugar nga napilasan sa nagkalain-lain nga parte sang iya lawas. Gindala pa si Padios sa West Visayas State University Medical Center apang wala na natabangan.

Wala gihapon makilala sang Jaro police ang identity sang suspek.  Nakuha sang kapulisan sa crime scene ang pito ka empty shell sang kalibre 45 nga pusil.