Iloilo City: Pamilya sang napatay nga taxi driver, nagdesisyun nga indi na magpa-autopsy sa bangkay sang ila himata!

By: Jocelyn Gelloagan-Maque

Nagligwat ang desisyon sang pamilya sang napatay nga taxi driver nga si Noel Monserate kag nagpamat-ud nga indi na pag-i autopsy ang bangkay sang ila himata.

Suno kay Mrs. Arby Porras sang Porras Funeral Home, nagtawag ang utod sang driver nga si Mary kag nagpahibalo nga ginabawi na nila ang ila desisyon nga ipa-autopsy ang bangkay bangud nga natak-an sa media kag police.

Natamaran na suno sa iya ang pamilya Monserate nga magpagamo pa kag ila na lang dal-on sa Barangay Consolacion, San Miguel ang bangkay kag ipalubong.

Una na ginpahayag ni Chief Inspector Herbert Ballego, hepe sang Jaro PNP nga nakumbinser nila ang asawa nga ipa-autopsy ang bangkay sang iya bana.

Luyag kuntani sang kapulisan nga mapa-autopsy ang bangkay agud mahibaluan ang gintunaan sang kamatayon ni Monserate.