Iloilo City: Pag-appoint ni Mayor Jed Patrick Mabilog kay former LEEO Head Mr. Vincent Dela Cruz sa City Tourism Office, makabig nga tampa sa Sangguniang Panlungsod

By: Jocelyn Gelloagan-Maque

Ginakabig nga tampa sa Sangguniang Panlungsod ang pag-appoint ni Mayor Jed Patrick Mabilog kay Mr. Vincent De la Cruz nga anay head sang Local Economic Enterprise Office (LEEO) sa City Tourism Office.

Reaksyon ini ni Councilor Plaridel Nava sa pihak sang rekomendasyon sang konseho nga ipa-idalum sa preventive suspension si De la Cruz bangud sang ginpahayag mga anomaliya sa Iloilo Terminal Market.

Daw pareho lang suno sa konsehal nga ginbalewala ang ila imbestigasyon sa tuklu-anay sa terminal market kag ang ginpasaka nila nga kaso sa ombudsman matapos ginbutang pa sa mas “juicy” nga posisyon si De la Cruz.

Ginpahayag ni Nava nga na-istorya na sini si Mayor Mabilog apang ginarespeto man ang iya desisyon.