December 1, 2021

Leganes: Isa patay kag duha ang pilason sa pag-inaway sang duha ka pamilya!

Read Time:52 Second

By: Jocelyn Gelloagan-Maque

Isa patay kag duha ang pilason sang nag-inaway ang duha ka pamilya sa Sitio Kaingin, Barangay Nabitasan, Leganes kahapon.

Suno kay Inspector Jerry Leones, hepe sang Leganes PNP, ginsulong sang pamilya Dequilla ang pamilya Balagosa pasado alas-11 kahapon sang udto.

Bitbit sang pamilya Dequilla ang kutsilyo kag balakol. Nabun-an si Rodel balagosa, 21-anyos, sa tuo nga tiil samtang natapungulan man ang manghod sini nga si Ken, 19-anyos kag padayon nga ginabulong sa West Visayas State Univeristy Medical Center.

Nagbalos ang amay kag utod sang mag-utod kag gintiro ang pamilya Dequilla. Napatay si Ronnie Dequilla, 23-anyos, bangud sang pilas sang pagkatiro sa dughan gamit ang homemade shotgun.

Ma-operahan naman ang magulang sini nga si Chris Dequilla, 26-anyos matapos naigo sang tatlo ka bala sang homemade revolver.

Preso na sa karsel sang Leganes PNP ang mag-amay nga Rogelio Balagosa Sr kag Jr nga amo ang nagtiro sa mag-utod na Dequilla. Ginpahayag nga daan nga hiligut-anon ang ginhalinan sang insidente.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: 60-anyos nga lalaki, patay matapos nabungguan sang motorsiklo sa Mandurriao!
Next post Tigbauan, Iloilo: Lalaki, patay matapos gintiro sang barangay kagawad!