Iloilo City: Jaro PNP, kumbinsido nga ginpatay ang duha ka preso sa BJMP District Jail base sa resulta sang ila imbestigasyon

By: Jocelyn Gelloagan-Maque

Wala naghikog ang duha ka mga preso sang Bureau of Jail Management and Penology (BJMP) District Jail sa Barangay Ungka, Jaro.

Naguwa sa imbestigasyon sang Jaro PNP nga ginpatay sanday Kristian Buivan sang La Paz kag Lenin Gerd Salvalosa sang Lopez Jaena Jaro.

Gin-basehan ni Chief Inspector Herbert Ballego, hepe  sang Jaro PNP ang auopsy report sang medico legal officer sang Police Regional Office (PRO) 6.

Imbestigaran naman suno kay Ballego ang pa-identify sa mga suspects nga nagpatay kanday Buivan kag Salvalosa.

Samtang wala nakahibalo si Ballego nga may walo na ka mga suspects ang BJMP 6 nga ginatudlo nagpatay sa duha ka preso.