Guimaras: Petition agud mapa-untat ang construction sang Guimaras-Iloilo Ferry Terminal, iga-file sa masunod nga semana

By: Aine Grace Bravo

Natalana nga i-file sang Guimaras provincial government sa masunod nga semana ang petition with prayer for preliminary mandatory injunction kag preliminary prohibitory injunction batuk sa Guimaras-Iloilo Ferry Terminal sa Parola area.

Suno kay Vice Governor Vicente de Asis, naghingyo pa sanday board members Gred Gamayao kag David Gano nga tapuson anay ang signature campaign agud malakip sa petition. Katuyuan sini suno sa bise gobernador nga mapa-untat ang konstruksyon sang proyekto bangud nga wala sang building permit.

Ginpahayag ni de asis nga katapusan nga tikang nila ang pagkadto sa korte agud maproteheran ang kinamatarung kag palangabuhian sang mga Guimarasnon.   Nagakahangawa suno sa iya ang mga taga-Guimaras nga gulpi lang siraduhan sang syudad ang Ortiz Wharf kag Parola Wharf kag wala na sila sang madungkaan.