Barotac Viejo, Iloilo: 47-anyos nga lalaki, gintudlo nga naghimulos sa isa ka iloy matapos nagtan-aw sang bastos nga pelikula; suspek, napasakaan na sang kaso!!

By: Aine Grace Bravo

Ginkasuhan sang rape ang 47-anyos nga lalaki matapos gintudlo nga naghimulos sa 27-anyos nga ginang sa Nueva Invencion, Barotac Viejo.

Ginpahayag ni Inspector Rene del Castillo, hepe sang Barotac Viejo PNP, nga nadakpan si alyas Nonoy sang Mayo 18 sang aga matapos ginreklamo ni alyas Nene. Natabu ang paghimulos suno kay del Castillo sang naghulam sang flashlight ang suspek kay alyas Nene. Ginpahayag nga ginbutong sang suspek si alyas Nene paguwa sa balay, gintabunan sang bayo ang baba agud indi makasinggit kag ginhimuslan samtang ginabunggo ang ulo sini sa puno sang kahoy.

Sa pagpangusisa sang police, naghalin si alyas Nonoy sa balay sang ginikanan sang biktima kag nag-inom-inom samtang nagatan-aw sang bastos nga pelikula. Nagayuhom-yuhom naman ang suspek suno kay del Castillo sang ginpamangkot kon ano nga pelikula ang iya gintan-aw.

Si alyas Nonoy ang may record na nga robbery kag illegal possession of firearms. May asawa ini kag kabataan samtang si alyas Nene ang may bana man kag duha ka kabataan. Wala ang bana ni alyas Nene sa ila balay bangud nagatrabaho sa isa ka banwa sang natabu ang insidente.

About Post Author

aksyonradyoiloilo_ahuqdr

iloveshabu@gmail.com

https://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %