Antique: Duha ka Lalaki, Patay matapos Nabunggu-an sang Bus ang Ginasakyan nga Motorsiklo!

By: Jocelyn Gelloagan-Maque

Patay ang duha ka lalaki nga naga-angkasanay sa motorsiklo matapos nabungguan sang Ceres bus sa Barangay Burok, Belison, Antique kagab-i.

Nagasundanay ang motorsiklo nga ginasakyan nanday Mamerto Bautista, Jr. kag Vincent Espino, lunsay sang Bongbongan, Laua-an, Antique kag ang bus sang natabu ang insidente.

Ginpahayag nga nagdulog ang motorsiklo kag gulpi nga nag-left turn.

Nagtuyo naman nga mag-overtake ang bus nga nagasunod kag wala ginpa-abot sang driver nga gulpi maliko ang motorsiklo rason nga nabungguan gid ang mga biktima.

Gindala pa ang mga ini sa ospital apang pareho nga napatay.