Guimaras: Provincial Board sang Guimaras, indi Luyag nga Magpadaso-daso sa Isyu sang Ginapatindog nga Guimaras-Iloilo Ferry Terminal!

By: Nemesio Martirez

Indi luyag sang provincial board sang Guimaras nga magpadaso-daso sa isyu sang ginapatindog nga guimaras-iloilo ferry terminal.  Pa-athag ini ni Board Member Lohn Edward Gando nga nagpabutyag sang kakibot matapos nagpasaka sang kaso civil ang integrated bar of the philippines-guimaras chapter batuk sa iloilo city government kag double dragon properties incorporated. Ginpahayag ni Gando nga gin-misrepresent ni atty vincent pascal de asis bilang presidente sang IBP-guimaras bangud wala nakahibalo ang tanan nga miembro nga nagsapol ang ila chapter agud istoryahan ang ipasaka nga kaso.Ginpabutyag ni gando nga nagasimpatiya siya sa pagpamatuk sang mga guimarasnon sa ginaplano nga 11 pesos nga terminal fee kag pagsirado sang ortiz kag parola wharf kon mag-operate ang ferry terminal kag ini man ang madugay na nga panindugan sang provincial government.