Iloilo City: (UPDATE) Duha ka Aktibo nga Engineers sang DPWH 6 nga Gin-dismiss sang Supreme Court bangud sa Kaso nga Grave Misconduct, Mahimo pa Maka-file sang Motion for Reconsideration!
By: Jocelyn Gelloagan-Maque
Mahimo pa maka-file sang motion for reconsideration ang duha ka aktibo nga engineers sang DPWH 6 nga gin-dismiss sang Supreme Court Second Division sa serbisyo bangud sa kaso nga grave misconduct.
Suno kay Atty. Hans Sayno, may 15 ka adlaw pa ang mga sugod sang nabaton nanday Engineer Cecile Caligan sang 1st Engineering District kag Engineer Edward Canastillo ang desisyon agud magfile sang MR.
Kon final na ang desisyon sang SC, mapahalin gid sila sa serbisyo kag i-ban naman nga magtrabaho sa gobyerno.
Sa mga nagretiro pareho nanday former DPWH 6 Director Wilfredo Agustino kag Engr. Rudy Canastillo, ma-untat na ang ila pension suno kay Sayno.