December 4, 2021

Iloilo City: Ginaalegar illegal recruiter, Dakop sa Entrapment operation sang NBI 6!

Read Time:48 Second

By: Jocelyn Gelloagan-Maque

Nadakpan sa entrapment operation sang National Bureau of Investigation (NBI) 6 ang ginaalegar illegal recruiter sa probinsya.

Ginkilala ang nadakpan kay Maria Lourdes Terania, 54-anyos  sang Barangay Napnapan, Tigbauan.

Suno kay NBI 6 Special Investigator 3 John Katipunan, nagdangup sa ahensya ang anum ka mga gin-recruit ni Terania agud ireklamo nga ipadakop ang suspek.

Ginaalegar sang mga tagreklamo nga ginpromisahan sila ni Terania sang trabaho sa Taiwan kag Canada.

Apang nakabayad na sang P80,000 nga processing fee ang mga complainant, wala gihapon sila makalakat sa sulod na sang duha ka tuig.

Nadakpan si Terania sa restaurant sa sulod sang mall sa city proper matapos nagpakigkita sa iya ang iya gin-recruit kag sang gindaho ang kuwarta, gilayon nga gin-aresto sang mga NBI operatives.

Preso na si Terania sa NBI kag natalana kasuhan sang paglapas sa Anti-human Trafficking Law, Anti-migrants Law kag posible magpangatubang sang syndicated estafa ukon large scale estafa.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

0 thoughts on “Iloilo City: Ginaalegar illegal recruiter, Dakop sa Entrapment operation sang NBI 6!

  1. Maayo gid kay nadakpaan, biktima man ang mga kabataan ko nagsarig sarig gid nga mayad ai,palpak gali. Ura gid kama-an nga may pakarwa ko sa Calgary Canada,ginhulat-hulat isa na ka tuig bayad ura gat-o update,gin verify ko sa akon pakarwa kag didto naman-an. Kaloloy man tambak nga kaso nami pa naman balay na ka ra ai taga Tigbauan man ko.

Leave a Reply

Previous post Iloilo City: Ginaduso nga pagpatindog sang bulangan sa pito ka distrito, may legal nga basehan suno kay Councilor Lyndon Acap
Next post Iloilo: Legal counsel sang 4 ka Opisyales sang DPWH 6 nga Gin-dismiss sa Serbisyo, Nagpasalig nga Maga-file sang Motion for Reconsideration sa Korte angut sa Kaso Administratibo