Iloilo City: DOH Secretary Janette Garin, Ginpasalamatan ang mga miembro sang Commission on Appointment sa Pag-confirm sang iya Appointment
By: Jocelyn Gelloagan-Maque
Ginpasalamatan ni Department of Health (DOH) Secretary Janette Garin ang mga miembro sang Commission on Appointment (CA) nga nag-confirm sang iya appointment kahapon ukon tatlo ka bulan matapos siya gin-nominate sa cabinet position.
Wala gid suno kay Garin sang oposisyon sa confirmation sang CA sang iya appointment.
Ini bisan pa nga naka-debate niya sadtu sa kamara sa isyu sang Reproductive Health ang miembro sang CA nga si Congressman Rufus Rodriguez.
Si garin ang gindesignar ni Presidente Noynoy Aquino nga Acting Secretary matapos ginhingyo ang sadtu Health Secretary nga si Enrique Ona nga magbakasyon sang Oktubre 2014.
Antes nangin Undersecretary sang Department of Health sang 2013, si Garin ang tatlo ka termino nga representative sang First District sang Iloilo kag nangin Deputy Majority Leader sang 15th Congress.