December 1, 2021

Iloilo City: LTFRB kag LTO, magalunsar sang information drive sa Speed Limit Ordinance sang City Council

Read Time:49 Second

By: Aine Grace Bravo

Magalunsar sang information dissemination ang Land Transportation Franchising and Regulatory Board (LTFRB) 6 kag Land Transportation Office 6 may kaangtananan sa gin-aprubahan nga Speed Limit Ordinance sang syudad.

Sa pagpakigsapol ni LTFRB 6 Director Romulo Bernardes sa tanan nga presidente sang transport groups sa syudad kag probinsya kahapon, ginpahibalo sini ang natalana nga paglunsar sang information drive sa Hunyo 15. Kasunod ini sang pangabay ni Mayor Jed Patrick Mabilog sa duha ka ahensya.

Suno kay Bernardes, gin-istoryahan man sa sinapol ang plano nga pagbakal sang radar speed gun nga ginbanta nagabalor sang P20,000. Sa tiun nga mabakal na sang city government ang amo nga gadget, mahimo na nga ma-implementar ang ordinansa.

Nagalaum si Bernardes nga indi lang mga pampubliko nga salakyan ang ma-upod sa launching kundi mangin ang mga private vehicles. Magluwas sa LTFRB kag LTO, magabulig man sa pagpatuman sang ordinansa ang Transportation Management and Traffic Regulation Office (TMTRO) kag ang Iloilo City Police Office.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Estancia: High School student, Ginbuno patay!
Next post Negros Occidental, Opisyal na nga Nagseparar sa Western Visayas!