Iloilo City: 21-anyos nga Babaye, Ginpahayag ginpatay kag Ginlubong sang iya Live-in Partner sa Likod sang ila Balay; Pagpangimon, Ginatudlo nga Motibo sa Krimen!
Read Time:1 Minute, 5 Second
By: Jocelyn Gelloagan-Maque
Pagpangimon ang ginatudlo motibo sa pagpatay kag paglubong sang 23-anyus nga lalaki sa iya 21-anyus nga live-in partner sa Zone 13, Brgy. Calaparan, Arevalo.
Ginpahayag nga ginpatay anay sang suspect nga si alyas Eric ang biktima nga si alyas Bec-bec antes ginlubong sa buho sa likod sang ila balay.
Suno sa iloy ni alyas Eric, nagapangimon na ang iya bata sang gina-rehab pa lang bangud wala gid ini ginbisitahan ni alyas Bec-bec rason nga nagpati nga may iban nga karelasyon ang babaye.
Ginpahayag sa iloy nga si alyas Mercidita, alas 10 y medya kahapon sang aga nakita niya Eric nga nagakutkot sa likod sang balay agud butangan sini sang basura.
Natulugan si alyas mercidita upod sa iya bana kag sang nagbugtaw, iya nakita nga natabunan na ang buho.
Nakita sini ang sulat ni Eric sa ibabaw sang lamesa nga nagapahibalo nga ginpatay kag ginlubong sini si alyas Bec-bec sa likod sang ila balay.
Antes sang insidente, pwersa nga ginpagwa ni Eric sa iya gina-obrahan si Bec-bec kag natumba pa ang ginasakyan nila nga motorsiklo sang naglabay sa Brgy. Baluarte, Molo.
Ginpahayag nga nagsakay sa jeep si alyas Bec-bec kag wala na nakapa-uli sa ila balay sang Sabado sang gab-i.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
POLICE REPORT | Welder, na-ospital sang nakuryente sa Jibao-an, Pavia
ILOILO -- Gindala sa ospital ang 37-anyos nga welder sang nakuryente sa ginakay-o nga balay sa Eon Centennial Town Homes...
Mga LGUs sa Iloilo province, may lain-lain nga paagi agud makumbinser ang mga residente nga magpasakop sa 3-Day National COVID-19 Vaccination Drive
Iloilo – Nagpreparar ang nagakalain-lain nga local government units sa probinsya sang Iloilo sang mga estratehiya agud makumbinser ang mga...
Lanai Restobar sa Smallville Complex, Mandurriao, ginarekomendar nga pasiraduhan bangud sang paglapas sa health protocols
ILOILO CITY -- Ginarekomendar sang City Compliance Team kay Mayor Jerry Treñas nga pasiraduhan ang Lanai restobar sa Smallville Complex...
New COVID-19 variant, ginhingadlan nga Omicron sang WHO, gin-classify nga ‘variant of concern’
Ginhingadlan sang World Health Organization (WHO) nga Omicron ang bag-o nga COVID-19 variant kag gin-classify ini nga "variant of concern."...
ACTIVITY | 3-day National Vaccination Drive sa Nobyembre 29-Disyembre 1
ILOILO – Ginahaylo sang Iloilo City kag Iloilo Provincial Government ang mga wala pa makapabakuna batok sa COVID-19 nga mag-upod...
SIT, may resource person na nga makabulig tudlo sa mga suspetsado sa pagpatay kay Claire Diergos
ILOILO -- May resource person na ang Special Investigation Team nga makabulig tudlo sa mga suspetsado sa pagpatay kay Claire...
Average Rating