Batad: Mag-asawa nga Tigulang, Patay matapos Ginlabu sang Ginapatihan may Diperensya sa Paminsaron!

By: Jocelyn Gelloagan-Maque

Patay ang mag-asawa nga tigulang sa Barangay Embarcadero, Batad matapos ginlabo sang ginapatihan may diperensya sa paminsaron.

Ginkilala ang mga napatay kanday Moreno Baigas, 82-anyus kag asawa nga si Maria Baigas, 70-anyos sang nasambit nga barangay.

Ginpahayag ni Inspector Melecio Cachuela sang Batad PNP nga nagalakat ang mga biktima pa-uli sa ila balay sang ginbanggaan sang suspect nga si Manuel Jaen kag ginpanglabo sa ulo.

Wala matalopangdan sang mga pomoloyo ang insedente suno kay Cachuela bangud nakatutok sa NBA finals sa tunga sang Cleveland Cavaliers kag Golden State Wariors.

Nadakpan naman sang mga barangay tanod ang suspect kag ginturn over sa Batad Police Station.