Boracay Island, Aklan: 5 nasamaran sa daku nga sunog!

By: Aine Grace Bravo

Lima ka individual ang napilasan sa sunog nga nagtupok sang apat ka ektarya nga public market, mga balay, apartments kag iban pa nga establisemento sa isla sang Boracay kahapon.

Naghalin ang kalayo sa Talipapa Bukid Public Market sa Sitio manggayat, Barangay Manoc-Manoc las 2:00 kahapon sang hapon. Ginabanta sa isa ka gatos ka balay kag mga balaligyaan sa Talipapa Bukid ang nasunog. Lunsay human sa light materials ang mga balay kabangdanan nga madasig nga gintupok sang kalayo.

Ginahibalo pa sang Bureau of Fire Protection ang kabug-usan nga balor sang kahalitan. Wala na naglaton ang kalayo sa  mga dalagku tourist establishments bangud sang firewall nga nagapalibot sa mga hotels kag resorts.