October 2, 2022

Iloilo City: Western Visayas Transport Coalition, Plano nga Magpasa sang Petition kay Mayor Jed Patrick Mabilog agud Ipauntat ang Operation sang Traffic light sa Bonifacio Drive

Read Time:49 Second

By: Jocelyn Gelloagan-Maque

Nagdugang lang sa pagutok sang mga salakyan ang ginpahamtang nga traffic light sa atubang sang Casa Real de Iloilo sa Bonifacio Drive.

Isa ini sa mga agenda sa sinapol sang Western Visayas Transport Coalition kaina nga gintambungan sang 13 ka presidente sang nagkalain-lain nga asosasyon.

Natalana nga magpasa sang petition kay Mayor Jed Patrick Mabilog ang Western Visayas Transport Coalition suno kay PISTON Panay President Edgar Salarda nga nagatuyo nga untaton ang pag-operate sang traffic light sa Bonifacio Drive kag sayluhon sa nagakadapat nga lugar agud makabulig sa pagsolbar sa problema sang trapiko.

Umpisa sang ginpahamtang ang traffic light sa atubang sang Casa Real de Iloilo suno kay Salarda, naapektuhan na ang dalagan sang mga salakyan sa palibot sang Bonifacio Drive.

Kalakip man sa agenda sang sinapol amo si Transportation Management and Traffic Regulation Office (TMTRO) Head Miss Donna Acap nga mabudlay pakig-angutan kon pangayuan sang bulig.

Natalana nga magpakigsapol ang coalition kay Acap sa Hunyo 24.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Councilor Plaridel Nava, plano magpatawag sang inquiry sa wala nagasinantu nga pagbutang sang traffic lights
Next post Anti-Illegal Drugs Campaign sang syudad kag probinsya sang Iloilo, ginkabig nga best practice sa pungsod ni PDEA Usec. Arturo Cacdac; Aksyon Radyo Iloilo, ginpasidunggan sang PDEA sa pagsuporta sa kampanya