Iloilo: Incoming PRO 6 Director Bernardo Diaz, ginpasalig nga padayunon ang mga Proyekto nga na-umpisahan ni Outgoing Police Regional Director Josephus Angan sa Western Visayas!

By: Nemesio Martirez

Ginpasalig ni incoming PRO 6 Director Bernardo Diaz nga padayunon ang mga proyekto nga naumpisahan ni Outgoing Police Regional Director Josephus Angan sa Western Visayas. Magapatuman sang mga improvements si Diaz pareho sang pag-disiplina sa mga kapulisan sa rehiyon. Tutukan man sini ang problema sa illegal nga druga nga ugat sang mga makasilidni nga krimen sa pungsod. Si Diaz nga na-assign sadtu sa narcotics command ang nakahibalo sang malain nga epekto sang illegal nga druga.  Sa bahin naman sang kapulisan, ginpabutyag ni diaz nga kinahanglan madisiplina ang kapulisan agud mabalik ang respeto kag pagsalig sang komunidad.  Pormal nga gintugyan ni Angan ang katungdanan kay Diaz bilang police regional office director sa ginhiwat nga turn over of command kag retirement ceremony sa Campo Delgado kahapon. Pagatal-usan ni Diaz si Angan nga maga-retiro buwas, Hunyo 21 kadungan sang iya ika-56 anyos nga kaadlawan. Sanday Diaz kag angan ang nangin magka-batch sa Philippine Military Academy ukon PMA class 84.