Sta. Barbara, Iloilo: Liga President Tim Padilla, wala nagbaton sang suspension order batuk sa iya

By: Aine Grace Bravo

Nagpamalibad si Sta. Barbara Liga President kag Sangguniang Bayan Member Tim Padilla nga batunon ang preventive suspension order sa iya may kaangtanan sa administrative case nga gin-file ni Mayor Dennis Superficial.

Suno sa alkalde, June 15 ang effectivity sang suspension kay Padilla apang nagapalagyo ini kag wala ginbaton ang order nga nagasaad nga suspendido siya sang duha ka bulan. Gin-akusaran ni Superficial si Padilla sang falsification of documents, dereliction of duty, negligence kag dishonesty nga na-compile sa idalum sang grave misconduct nga offense.

Nag-file na si Padilla sang motion for reconsideration with injunction sa Regional Trial Court agud mauntat ang iya suspension. Gin-deny naman ni Superficial nga ugat sa kaso ang away nila sadto ni Padilla angut sa paggamit sang Liga Hall.