Antique: 3 ka jailguards sa Antique Provincial Jail, gintudlo utok sang pagpalusot sang illegal drugs!

By: Aine Grace Bravo

Sorpresa nga naghimo sang greyhound inspection kag drug test ang mga katapo sang Philippine Drug Enforcement Agency (PDEA) 6 upod sa Antique Police Provincial Office sa Antique Provincial Jail kahapon sang aga sa request ni Governor Rhodora Cadiao.

Sa nabaton nga impormasyon ni Governor Cadiao, ginatudlo nga nagapalusot sang illegal drugs sanday Jailguards Angeles Hizon, Rogelio Naet kag Eniceto Escaner kag nagasugo sang duha ka inmates nga magbaligya sa mga eskwelahan kag kabarangayan. Ginpahayag ni Cadiao nga nagpalagyo sa drug test sanday Hizon, Naet kag Escaner.

Suno sa gobernador, magapangatubang ang tatlo sang kaso administratibo kag ginaproseso naman ang pag-dismiss sa ila sa serbisyo. Magluwas kanday Hizon, Naet kag Escaner, duha pa ka guwardya suno kay Cadiao ang gina-imbestigaran man sa pagpasulod sang illegal drugs sa provincial jail.

Duha ka preso naman ang nagpositibo base sa resulta sang drug test kahapon.