January 27, 2022

Lapuz, Iloilo City: 2 ka Punong Barangay, nanghiwala nga nakabaton sang P20,000 agud paboran ang pagpatindog sang bulangan sa distrito

Read Time:54 Second

By: Aine Grace Bravo

Ginpanghiwala nanday Jalandoni Estate Punong Barangay Efren Jimeo kag Sinikway Punong Barangay Felix Ventura nga nakabaton sila sang kwarta halin sa cockpit operator agud magpabor sa pagpatindog sang bulangan sa distrito sang Lapuz.

Gin-ako ni Jimeo nga nakabaton siya sang token nga may unod nga kwarta sang Marso, 2014 apang ginpanindugan nga indi ini suhol kundi inugbakal sang pamahaw. Gin-athag ni Jimeo nga pabor siya sa pagbutang sa bulangan sa Lapuz apang ginapamatukan naman nga patindugan sang bulangan ang pito tanan ka distrio sang syudad pareho sa nasaad sa ginaproponer nga ordinansa ni Councilor Lyndon Acap.

Para naman kay Punong Barangay Ventura, maayo kon may bulangan ang Lapuz sa pagpati nga makahatag ini sang palangabuhian sa madamo nga vendors.  Ginpanghiwala sini nga  nakabatun sang kwarta halin sa operator nga si Mr. Boy Dellomes agod paboran ang pagbutang sang bulangan sa Lapuz.

Nag-react ang duha ka kapitan sa pahayag ni Libertad Punong Barangay Sumakwel Nava nga nagatanyag sang  20 mil pesos ang operator sa 12 ka punong barangay  agud  paboran ang pagbutang sang bulangan sa Lapuz.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Mga gin-alegar nga natontohan ni Charmaine Morata, desidido magpasaka sang kaso
Next post Anilao, Iloilo: Manug-isda, gintiro!