Oton: Sub-office sang ILECO-1, Nagapabilin nga Sirado matapos Ginkudalan ni Poblacion West Punong Brgy. Salvador Carreon

By: Jocelyn Gelloagan-Maque

Wala na nakareport ang mga empleyado sang Sub-office sang ILECO 1 sa Oton sugod sang ginbutangan sang barbed wire sa atubang.

Ginpahayag ni ILECO 1 General Manager Wilfred Billena nga wala na nagasulod ang mga empleyado sa opisina agud makalikaw sa gamo.

Sa baylo, nagatrabaho ang mga ini sa main office sang kooperatiba sa Tigbauan kag nagaserbe sa mga konsumedor halin sa Oton.

Gin-ako ni Poblacion West, Oton Punong Barangay Salvador Carreon nga siya ang nagbutang sang barbed wire sa atubang sang ILECO 1 Sub-office agud maproteheran man ang ila propedad kag indi mapasibangud sa iya kon may matabu nga malain.

Si Carreon upod sa iban pa nga punong barangay sang Oton ang nagaprotesta batuk sa ginapatuman nga Bill Guarantee Deposit sang ILECO 1.