Sta. Barbara, Iloilo: TRO nga ginpangayo ni Liga President Tim Padilla batuk sa pagsuspender sa iya, ginpaboran sang korte

By: Aine Grace Bravo

Ginpaboran sang korte ang ginpangayo nga Temporary Restraining Order ni Sta. Barbara Liga President kag SB Member Tim Padilla batok sa preventive suspension sa iya.

Suno kay Padilla, nabaton niya ang kopya sang TRO kahapon nga nagamandu nga i-mentinar ang status quo kag untaton ang suspensyon sa iya. Ginpahayag sini nga nakit-an sang korte nga wala sang valid service sa kopya sang suspension order kabangdanan nga wala nakumpleto ang pag-epekto sang suspension.

Ang suspension kay Padilla nag-ugat sa kaso nga falsification of documents, dereliction of duty, negligence kag dishonesty nga ginpasaka ni Sta. Barbara Mayor Dennis Superficial. Ginkumpirmar naman ni Padilla ang report nga plano niya magbunggo kay incumbent Mayor Dennis Superficial sa pagka-alkalde sa masunod nga eleksyon.