Iloilo City: National Food Authority, Nagpasiguro nga Wala pa sang Nakasulod nga Peke nga Bugas sa Iloilo

By: Jocelyn Gelloagan-Maque

Wala pa sang report nga may nakalab-ut nga peke nga bugas sa Iloilo.

Ginpasiguro ini ni National Food Authority (NFA)Iloilo Manager Erna Abello matapos naglupok ang balita nga may nagalapta nga synthetic nga bugas.

Apang gin-ako ni Abello nga may mandu na halin sa central office nga maghimo sang market inspection agud makasiguro.

Ginlaygayan ni Abello ang mga nagabakal sang bugas nga buk-on ang pinasi agud mahibaluan kon peke.

Ang synthetic nga bugas ang ginpahayag ginhimo halin sa kamote nga may coating sang resin ukon plastic.

Para sa may mga pamangkut, bukas naman suno kay Abello ang ila hotline nga 337-3330.