Iloilo: Mga Municipal Police Stations nga may maayo nga performance, ginpasidunggan sang IPPO
By: Aine Grace Bravo
Ginkilala sang Iloilo Police Provincial Office (IPPO) ang maayo nga performance sang mga municipal police stations sa probinsiya sa second quarter.
Sa awarding ceremony kahapon nga gintambungan man ni Police Regional Office 6 Director C/Supt. Bernardo Diaz kag IPPO Director Sr/Supt. Cornelio Salinas, ginpasidunggan ang Lambunao PNP bilang Best in Administration, Best in Operation ang Dumangas PNP, Best in Investigation ang Oton PNP, Best in Intelligence ang Badiangan PNP, Best in Community Relations ang Cabatuan PNP, Best in Women’s and Children’s Protection Desk ang Dingle PNP, Best Maneuver Platoon ang 2nd Maneuver Platoon kag Best Among the Best Police Stations ang Cabatuan PNP.
Nagbaton man sang special award para sa pinakamataas nga accomplishments sa nakumpiskar nga loose firearms ang Cabatuan PNP, Miag-ao, Ajuy kag Balasan PNP para sa pinakamadamo nga na-aresto nga wanted persons, Concepcion PNP sa pinakamadamo nga anti-illegal fishing operations kag Passi City PNP sa anti-illegal gambling operations.