Iloilo City: Councilor Plaridel Nava, nagalaum nga matambung si Mayor Jed Patrick Mabilog sa imbestigasyon sang City Council sa isyu sang traffic lights

By: Aine Grace Bravo

Hulaton ni Councilor Plaridel Nava, chairman sang Committee on Transportation, ang pag-abot ni Councilor Jason Gonzales agud istoryahan ang pagtalana sang petsa para sa imbestigasyon sang pagbutang sang traffic lights sa syudad.

Kasunod ini sang pag-aprubar sang City Council sang resolution ni Nava nga gin-refer naman sa Committee on Good Government nga ginapamunuan ni Gonzales. Posible suno kay Nava nga maakig sa iya si Mayor Jed Patrick Mabilog sa iya mga natukiban ilabe na ang kawad-an sang authority sang alkalde halin sa konseho sa pagpirma sa kontrata sa pagbakal sang traffic lights.

Nagalaum naman ang konsehal nga magtambong sa imbestigasyon ang alkalde agud maghatag sang kasanagan sa isyu. Apang wala man sang problema kay Nava kon indi makatambong ang alkalde. Ang importante suno sa iya nga ipadala lang sini ang mga miembro sang Bids and Awards Committee.