(Update) Iloilo City: Pagpatay sa Tag-iya sang JD Calibration sa Jaro kag Live-in Partner sini, Ginplanuhan sang mga Suspek, Suno kay Inspector Herbert Ballego!

By: Nemesio Martirez

Ginapatihan sang jaro PNP nga ginplano ang pagsulod sang mga suspect sa JD calibration sa tagbak jaro agud patyon tag-iya nga si Jose Daliva kag iya ka-live-in partner. Konbensido si Chief Inspector Herbert Ballego nga ginsulod ang shop agud pamatyon ang mga biktima base sa autopsy result ni PRO6 medicolegal officer Owen Libaquin. Nagapati si Ballego nga tuman gid ang ka-akig sang mga suspect sa mga biktima.Nagapakita sa autopsy result nga may 6 ka pilas sang pagkabuno sa li-og kag baba ni daliva,kag may pilas sa likod sang ulo tuga sang pagkalampos sang malapad kag  matig-a nga bagay. Wala man ginadula ni ballego ang anggulo nga pagpangawat  bangud ang bag ni daliva nga may unod nga alahas wala pa makita tubtub subong.Nasapwan nga pilason kag sunog ang lawas sang mga biktima matapos nasunog ang jd calibration sang hulyo 8 sang gab-i.