Iloilo City: Crane sa Construction Site sa daan nga De Paul College, Nautod; Duha ka Trabahador, Nasamaran!

By: Jocelyn Gelloagan-Maque

Nautod ang parte sang crane sa construction site sa daan nga De Paul College sa E. Lopez, Jaro kaina sang aga.

Nasamaran sa insidente ang duha ka trabahador nga ginkilala kanday John Bert Dragon, 24-anyos kag Reymart Credo, 30-anyos.

May pilas sa sag-ang, wala nga kilid, tiyan kag bali ang wala nga paa ni Dragon samtang may pilas sa ulo kag sag-ang si Credo nga ginpahayag operator sang crane.

Suno kay Mary Paz Muyco nga nagabaligya sa guwa sang construction site, maayo lang nga nahingagaw sang operator sang crane nga maliso ini gani nga minimal lang ang kahalitan.

Nagtupa ang parte sang crane sa building sang De Paul.