Pavia: Grade 6 pupil nga Ginbaklan sang Dulse sang mga Nahilo nga Estudyante, Ginpa-absent sang iya Ginikanan!

By: Jocelyn Gelloagan-Maque

Ginpakamaayo sang ginikanan ni alyas Irish, grade 6 pupil sang Ungka 2 Elementary School sa Pavia, nga indi ini pagpasudlon sa klase subong nga adlaw matapos nahilo ang iya anum ka classmates nga nagbakal kag nagkaun sang iya ginbaligya nga dulse.

Ginpahayag nga luyag ilikaw sang mga ginikanan nga i-bully si Irish bangud sa natabu..// Sa anum ka ginpangdala sa Western Visayas Medical Center, nabilin na lang si alyas Astrid.

Ginpahayag nga ginbakal sang tiya ni Irish ang dulse sa isa ka mart sa syudad.

May impormasyon nga halos ka tunga sang klase man ang nagbakal sang dulse apang ang anum ka pupils lang ang nagreklamo nga nagsakit ang tiyan kag naglingin ang ulo.