Iloilo City: Mga estudyante kag Manunudlo sa University of San Agustin, Ginpuhag sang Bomb Threat!

By: Jocelyn Gelloagan-Maque

Wala sang may nakit-an nga bomba sa palibot sang University of San Agustin sa General Luna, City Proper.

Ginkumpirmar ini ni Senior Inspector Jojo Tabaloc sang Police Station 1 matapos naghimo sang inspection ang mga pulis sa palibot sang unibersidad.

Nagresponder ang mga pulis sang nagtawag ang manunudlo nga may nagbutang sang bomba sa Mendel Hall sang buluthuan.

Magluwas sa manunudlo, nakabaton man sang text messages kaina sang aga ang pila ka mga estudyante nga may bomba nga palukpon sa eskuwelahan.