December 7, 2021

Iloilo: Unit sang GDR taxi nga Ginhold-up sa Oton, Narecover sa Leon!

Read Time:48 Second

By: Jocelyn Gelloagan-Maque

Nakita na ang taxi unit nga ginpalagyo sang duha ka suspek nga nagholdap sa taxi driver sa Pakiad Oton kaina sang kaagahon.

Nakita nga naparada sa kilid sang national highway sa Barangay Omambong, Leon ang GDR taxi nga wala na sang liabe nga ginadala ni Jose Elambre sang Cagbang Oton.

Pasado ala-1 kaina sang kaagahon sang nagpadul-ong sa Sooc ang tatlo ka lalaki nga nagsakay halin sa Ybiernas.

Suno kay Elambre, ginhambalan siya sang mga pasahero nga mag-agi sa Calajunan Mandurriao sa diin nagpanaug ang isa sa ila.

Apang pag-abot sa unhan, nagdeklarar sang hold-up ang duha ka nabilin nga pasahero kadungan sa pagkuga kag pagsumbag sa driver.

Nakapanginpadlos si Elambre tubtob nakapangayo sang bulig sa mga tanod sa Pakiad samtang ginsakyan sang mga suspek ang iya unit sa pagpalagyo.

Nakuha kay Elambre ang P500 sini nga koleksyon. Wala na ang liabe sang taxi kag nautod ang wiring sang radyo.

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 2 patay sa pagbunggu-anay sang motorsiklo kag bus
Next post Aklan: Number 1 Most Wanted Person, Patay sang Nagbatu sa Kapulisan!