Provincial Health Office, nagpanawagan sang kooperasyon sa kampanya batuk sa dengue

Iloilo– Gin-engganyo ni Provincial Health Officer 1 Maria Socorro Quiñon ang mga pumuluyo sa probinsya nga magkooperar sa kampanya kontra dengue kasunod sang pagtaas sang kaso sang balatian.

Ginpahanumdon ni Quiñon ang mga pumuluyo sa ka-importante sang 4 o’clock habit ukon ang pagpaninlo sang palibot kada alas-4 sang hapon. Malikawan lang suno sa iya ang pagdamo sang mga lamok nga nagadala sang dengue kon wala sila sang lugar nga ginatineran. Dapat tandaan sang mga pumuluyo ang mga paagi agud matapna ang pagdamu sang lamok pareho sang pagpakulob sang mga nagakaya nga bagay agud indi pagtineran sang tubig kag itlogan sang lamok.

Sa record sang Provincial Health Office, naglab-ot sa 504 ang kaso sang dengue sa probinsya halin Enero 1 tubtub Hulyo 28 subong nga tuig kag duha diri ang napatay. (Aine Grace Bravo)