Iloilo: Governor Arthur Defensor, Napilian nga Outstanding Local Chief Executive subong nga tuig sang Police Regional Office 6

Jocelyn Gelloagan-Maque

Napilian si Governor Arthur Defensor sang Police Regional Office (PRO) 6 nga Outstanding Local Chief Executive sa Western Visayas subong nga tuig.

Matawhay ang probinsya suno kay Atty. Suzette Mamon sang Provincial Legal Office bangud sang financial support kag facilities nga ginahatag sang gobernador sa kapulisan.

Ginkalipay man ni Mamon nga isa ang Iloilo Police Provincial Office (IPPO) nga may maayo nga performance sa kampanya kontra sa illegal nga druga.

Magluwas kay Defensor, napilian man nga Outstanding Police Station ang Dueñas Municipal Police Station kag ang hepe nga si Inspector Bonifacio Alabi, Jr. bilang Outstanding Junior Chief of Police kag si IPPO Director Cornelio Salinas ang napilian nga Outstanding Provincial Director sa Western Visayas.