Carles: (UPDATE) 34-anyos nga Bana nga Nagmartilyo kag Nagpatay sa iya Asawa, Pasakaan sang Kaso nga Parricide!

Jocelyn Gelloagan-Maque

Gina-preparar na sang Carles Police Station ang pag-file sang kaso nga parricide batuk kay alyas Anel, 34-anyos sang Barangay Bancal nga nagbaslay kag nag-martilyo sa iya asawa.

May crack sa ulo ang asawa nga si Leslie, 29-anyos kag napatay makaligad ang pila ka oras nga gindala sa Western Visayas Medical Center.

Ginasunod nga anggulo sa pagpatay sa biktima suno kay Senior Inspector Rodelon Betita sang Carles PNP ang pagpangimon sang bana.

Ginpabutyag ni Betita nga indi na kinahanglan ipa-drugtest si alyas Anel bangud gindula na ang anggulo nga may kahilabtanan sa illegal drugs ang krimen.